KOASÛ

無你的故事 Bô Lí Ê Kò͘-sū (feat. 林柏宏) 青虫aoi

[Verse]

自彼日拄著你
Chū hit-ji̍t tú-tio̍h lí
我就愈來愈無成我家己
Góa tio̍h lú-lâi-lú bô sêng góa ka-tī
袂輸予魔神仔牽去
Bōe-su hō͘ mô͘-sîn-á khan-khì

想欲來霸佔你
Siūⁿ-beh lâi pà-chiàm lí
我的愛掩也掩袂離
Góa ê ài am iā am bōe lî
全世界攏總看離離
Choân-sè-kài lóng-chóng khòaⁿ lī-lī

[Pre-chorus]

但是你(我)的身軀邊
Tān-sī lí (góa) ê sin-khu-piⁿ
早就有另外一个伊
Chá tio̍h ū lēng-gōa chi̍t-ê i
佮人相分的溫柔我(你)毋 ti̍h
Kah lâng sio-pun ê un-jiû góa (lí) m̄ ti̍h
猶是扯扯咧免相辭
Ia̍h-sī chhé-chhé leh bián sio-sî

[Chorus 1]

我的故事已經無看你
Góa ê kò͘-sū í-keng bô khòaⁿ lí
請你毋通閣攪吵
Chhiáⁿ lí m̄-thang koh kiáu-chhá
你的女主角毋是我
Lí ê lú-chú-kak m̄-sī góa
為怎樣毋肯放我煞
Ūi-chóaⁿ-iūⁿ m̄-khéng pàng góa sòa

你的故事已經無看我
Lí ê kò͘-sū í-keng bô khòaⁿ góa
閣再解說嘛是無較縒
Koh-chài kái-sòe mā sī bô-khah-choa̍h
我的女主角就是你
Góa ê lú-chú-kak tio̍h-sī lí
毋甘扯扯咧放你煞
M̄-kam chhé-chhé leh pàng lí sòa

[Inter]

病相思 無藥醫 故事拄開始
Pēⁿ siuⁿ-si, bô io̍h i, kò͘-sū tú khai-sí
六月天 火燒埔 愛著較慘死
La̍k-goe̍h thiⁿ, hóe-sio-po͘, ài tio̍h khah chhám sí

[Chorus 2]

我的故事已經全全你
Góa ê kò͘-sū í-keng choân-choân lí
日日夜夜較想嘛是你
Ji̍t-ji̍t-iā-iā khah siūⁿ mā sī lí
真心毋敢來講出喙
Chin-sim m̄-káⁿ lâi kóng chhut-chhùi
為怎樣到今才來拄著你
Ūi-chóaⁿ-iūⁿ kàu taⁿ chiah lâi tú-tio̍h lí

[Outro]

請予我淡薄仔時間來證明我的愛
Chhiáⁿ hō͘ góa tām-po̍h-á sî-kan lâi chèng-bêng góa ê ài
傷害著別人是咱不應該
Siong-hāi tio̍h pa̍t-lâng sī lán put-eng-kai
閣再予咱淡薄仔時間來證明咱的愛
Koh-chài hō͘ lán tām-po̍h-á sî-kan lâi chèng-bêng lán ê ài
無著時來熟似
Bô-tio̍h-sî lâi se̍k-sāi
是命運不應該
Sī miā-ūn put-eng-kai

Verse → Pre-chorus → Chorus 1 → Inter * 2 → Verse → Pre-chorus → Chorus 1 → Chorus 2 →Outro

有你的故事, 林柏宏, 無你的故事, 青虫aoi — Aug 29, 2021