KOASÛ

曾經我也想過一了百了 Chan-keng Góa Iā Siūⁿ-kòe Sí-sí Khah Khùiⁿ-oa̍h 流氓阿德

[Verse 1]

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為一个人坐踮宇宙的夜班車
Sī in-ūi chi̍t-ê lâng chē tiàm ú-tiū ê iā-pan-chhia
茫茫渺渺的光影
Bông-bông-biáu-biáu ê kng-iáⁿ
湯姆威茲的歌聲
湯姆威茲 ê koa-siaⁿ
期待世界末日今仔日來吧
Kî-thāi sè-kài boa̍t-ji̍t kin-á-ji̍t lâi pa

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為一个人獨唱的生日快樂歌
Sī in-ūi chi̍t-ê lâng to̍k-chhiùⁿ ê seⁿ-ji̍t-khoài-lo̍k-koa
點著問號的人生
Tiám-tio̍h mn̄g-hō ê jîn-seng
毋捌成真的願望
M̄-bat sêng-chin ê goān-bōng
拍開下晡買予自己驚喜的禮物盒
Phah-khui ē-po͘ bé hō͘ ka-kī kiaⁿ-hí ê lé-bu̍t-a̍p

[Pre-chorus 1]

電話彼頭沉重的喘氣聲
Tiān-ōe hit-thâu tîm-tāng ê chhoán-khùi siaⁿ
無話通講又閣毋甘掛
Bô ōe thang kóng iū-koh m̄-kam kòa
徛佇城市街頭的十字路口
Khiā-tī siâⁿ-chhī ke-thâu ê si̍p-jī-lō͘-kháu
全然毋知影欲往哪裡落跑
Choân-jiân m̄-chai-iáⁿ beh óng ná-lí làu-phâu

明仔日絕對愛贏過今仔日
Bîn-á-ji̍t choa̍t-tùi ài iâⁿ-kòe kin-á-ji̍t
流著目屎聽著心裡微弱的嚷喝
Lâu-tio̍h ba̍k-sái thiaⁿ-tio̍h sim-lāi bî-jio̍k ê jióng-hoah
徛起來啊 徛起來啊 但是啊
Khiā–khí-lâi ah, khiā–khí-lâi ah, tān-sī ah

[Chorus 1]

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為我的心已經破了一大裂
Sī in-ūi góa ê sim í-keng phòa-liáu chi̍t-tōa-lia̍t
一點仔氣力攏無矣
Chi̍t-tiám-á khùi-la̍t lóng bô ah
連痛苦攏無感覺
Liâm thòng-khó͘ lóng bô kám-kak
只賰倔強崩了以後無力的軟汫
Chí-chhun khut-kiông pang liáu í-āu bô-la̍t ê nńg-chiáⁿ

---

[Verse 2]

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為一个人徛佇雨天的雨傘跤
Sī in-ūi chi̍t-ê lâng khiā-tī hō͘-thiⁿ ê hō͘-sòaⁿ kha
落踮傘頂的雨聲
Lak-tiàm sòaⁿ-téng ê hō͘-siaⁿ
拍佇心頭的痛疼
Phah-tī sim-thâu ê thàng-thiàⁿ
看著自己的心慢慢的慢慢腐爛
Khòaⁿ-tio̍h ka-kī ê sim bān-bān ê bān-bān hú-nōa

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為拄著少年時深白色的我
Sī in-ūi tú-tio̍h siàu-liân sî chhim-pe̍h-sek ê góa
感覺見笑的無聲
Kám-kak kiàn-siàu ê bô-siaⁿ
無通辯解的輸家
Bô-thang piān-kái ê su-ka
現在的我一定予你非常的失望吧
Hiān-chāi ê góa it-tēng hō͘ lí hui-siông ê sit-bōng pa

[Pre-chorus 2]

不願變成質數般的存在
M̄-goān piàn-sêng chit-sò͘ pan ê chûn-chāi
放棄自己用心討好世界
Hòng-khì ka-kī iōng-sim thó-hó sè-kài
只要會得著一點點的溫暖
Chí-iàu ē tit-tio̍h chi̍t-tiám-tiám ê un-loán
就算失去獨一無二也甘願
Tio̍h-sǹg sit-khì to̍k-it-bû-jī iā kam-goān

但是身邊人愈濟心愈孤單
Tān-sī seng-piⁿ lâng lú chōe sim lú ko͘-toaⁿ
愈是認真對待心就傷愈重
Lú sī jīn-chin tùi-thāi sim tio̍h siong lú tāng
算矣吧
Soàn ah pa
反正最後一定是失望啊
Hoán-chèng chòe-āu it-tēng sī sit-bōng ah

[Chorus 2]

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為我的世界無人通知影
Sī in-ūi góa ê sè-kài bô lâng thang chai-iáⁿ
一个卑微的向望
Chi̍t-ê pi-bî ê ǹg-bāng
一絲絲的愛
Chi̍t-su-su ê ài ah
一絲絲兩个人相攬身軀的燒熱
Chi̍t-su-su nn̄g-ê lâng sio-lám sin-khu ê sio-joa̍h

---

[Chorus 3]

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為一直揣不袂著出口的光線
Sī in-ūi it-ti̍t chhōe bōe tio̍h chhut-kháu ê kng-sòaⁿ
生無可戀的茫然
Seng-bô-khó͘-loân ê bâng-jiân
死不足惜的悲哀
Sí-put-chiok-sioh ê pi-ai
規氣化做塵埃四處飛散吧
Kui-khì hòa-chòe tîn-ai sì-chhù poe-sán pa

曾經我 也想過 死死較快活
Chan-keng góa iā siūⁿ-kòe sí-sí khah khùiⁿ-oa̍h
是因為我猶未遐爾幸運的拄著你
Sī in-ūi góa iá-bōe hiah-nī hēng-ūn ê tú-tio̍h lí
像你這款的人
Chhiūⁿ lí chit-khoán ê lâng
佇這世界上存在
Tī che sè-kan siōng chûn-chāi
予我對這个世界有淡薄的喜愛
Hō͘ góa tùi chit-ê sè-kài ū tām-po̍h ê hí-ài

像你這款的人
Chhiūⁿ lí chit-khoán ê lâng
佇這世界上存在
Tī che sè-kan siōng chûn-chāi
予我對這个世界有淡薄的期待
Hō͘ góa tùi chit-ê sè-kài ū tām-po̍h ê kî-thāi

曾經我也想過一了百了, 流氓阿德 — Aug 23, 2021