KOASÛ
白話字台語歌詞 Pe̍h-ōe-jī tâi-gí koa-sû遊覽車 Iû-lám-chhia 魏秀文 Guī Siù-bûn
[Verse]
天袂光趕緊來起床
Thiⁿ bōe kng, kóaⁿ-kín lâi khí-chhn̂g
款著行李來起程
Khoán-tio̍h hêng-lí lâi khí-têng
約束公園來等待
Iok-sok kong-hn̂g lâi tán-thāi
歡喜的心情來期待
Hoaⁿ-hí ê sim-chêng lâi kî-thāi
看到遊覽車慢慢仔來
Khòaⁿ-tio̍h iû-lám-chhia bān-bān-á lâi
上車一半攏熟似
Chiūⁿ-chhia chi̍t-pòaⁿ lóng se̍k-sāi
一位一位握手來案內
Chi̍t-ūi chi̍t-ūi ak-chhiú lâi àn-lāi
逐家攏總笑咍咍
Ta̍k-ke lóng-chóng chhiò-hai-hai
遊覽車的小姐熱情來款待
Iû-lám-chhia ê sió-chiá jia̍t-chêng lâi khoán-thāi
咖啡燒茶直直來
Ka-pi sio-tê ti̍t-ti̍t lâi
卡啦 OK 趕緊排
kha-lá-óo-khe kóaⁿ-kín pâi
快樂出帆真輕鬆
Khoài-lo̍k chhut-phâng chin khin-sang
[Chorus]
妳來點歌我來點歌真精彩
Lí lâi tiám-koa góa lâi tiám-koa chin cheng-chhái
導遊唱歌真好聽
Tō-iû chhiùⁿ-koa chin hó-thiaⁿ
司機開車上蓋穩
Su-ki khui-chhia siōng-kài ún
欣賞風景真美麗
Him-sióng hong-kéng chin bí-lē
幸福滋味無地比
Hēng-hok chu-bī bô-tè pí
遊覽車遊覽車
Iû-lám-chhia, iû-lám-chhia
一工時間真緊過
Chi̍t-kang sî-kan chin-kín kòe
回程唱著期待再相會
Hôe-têng chhiùⁿ-tio̍h kî-thāi chài siong-hōe
