KOASÛ

高雄驛起飛 Ko-hiông Chò-hóe Poe 滅火器

[Verse 1]

Koh chi̍t-pang hóe-chhia
Chiām-chiām beh khí-kiâⁿ
Góa kóng chài-hōe lah
Góa ē éng-oán tī chia

Chiok-hok lí chi̍t-lō͘-sūn-hong
Khì tui-kiû sio̍k-î lí ê bāng
Tán lí tńg-lâi ê hit chi̍t kang
Che siâⁿ-chhī í-keng bô-kâng

[Verse 2]

Lâi-chū hái-éng kiâm-kiâm ê hong
Chūn-chūn chhoe-ji̍p Iâm-tiâⁿ-po͘
Chhàng-ji̍p thô͘-kha ê thih-ki-lō͘
Ōe tio̍h choân-sin ê tē-tô͘

Lú-lâi-lú lāu-jia̍t ê ke-a-lō͘
Siau-sit ê tē-hā-lō͘ kah ko-kè-kiô
Góa tiām-tiām seng-oa̍h tī siâⁿ-chhī ê chiàⁿ-tiong-ng
Kì-lo̍k kái-piàn ê múi chi̍t pō͘

[Chorus 1]

Hái-hong chhoe-a-chhoe
Ko-hiông chún-pī beh poe
Poe hiòng bī-lâi tùi choân-sè-kài
Tián-hiān lán ê bí-lē

Bāng-sióng chhōe-a-chhōe
Goân-lâi tī chhut-sin ê thó͘-tē
Goān-bōng sī pêng-an seng-oa̍h ē-tit kòe
Siōng-ài ê lâng, éng-oán chò-hóe

---

[Bridge]

Sî-kan leh keng-kòe
Hong-kéng leh kái-piàn
Kut-la̍t ê lâng chiong kò͘-sū siá tī chit-phìⁿ thó͘-tē

Múi chi̍t-piàn thiau-chiàn
Lán kian-sim chò-hóe
Lán siōng-ài ê só͘-chāi chún-pī beh poe

滅火器, 高雄驛起飛 — Aug 23, 2021